نئی دہلی:منی لانڈرنگ کے الزامات کا سامنا کرنے والے بھارت کی سیاسی جماعت عام آدمی پارٹی کے وزیر کی جیل میں خدمت اور مساج کی ویڈیوز سامنے آگئیں۔
بھارتی خبر رساں ایجنسی نے سوشل میڈیا اکاونٹ پر ستیندر جین کی 3 دنوں کی سی سی ٹی وی ویڈیو جاری کی ہے ۔
ویڈیو میں دیکھا جاسکتا ہے کہ بھارتی وزیر کی جیل میں بھرپور خدمت کی جارہی ہے، اس دوران وہ لوگوں سے ملاقات بھی کررہے ہیں۔
#WATCH | CCTV video emerges of jailed Delhi minister Satyendar Jain getting a massage inside Tihar jail. pic.twitter.com/VMi8175Gag
— ANI (@ANI) November 19, 2022
بھارتی میڈیا کے مطابق جمعرات کو دہلی کی عدالت نے ستیندر جین کی ضمانت مسترد کردی تھی۔رپورٹس کے مطابق ستیندر جین کو منی لانڈرنگ کی روک تھام ایکٹ کی دفعات کے تحت 30 مئی کو گرفتار کیا گیا تھا۔
تہاڑ جیل میں قید بھارتی وزیر کے خلاف انفورسمنٹ ڈائریکٹوریٹ تحقیقات کررہا ہے۔