پشاور: وزیراعلی خیبرپختونخواہ ( کے پی کے ) محمودخان کا کہنا ہے کہ عمران خان کے حکم کا انتظار کر رہا ہوں، حکم ملتے ہی اسمبلی تحلیل کرنےکی ایڈوائس گورنر کو بھیج دوں گا۔
وزیر اعلیٰ کے پی کے نے کہا کہ خیبر پختونخوا اسمبلی کی تحلیل کیلئے ہفتے کو سمری بھیجے جانے کی توقع ہے، ہم ملک میں عوام کو سہولیات فراہم کرنے کے لیے عملی اقدامات کریں گے۔
انہوں نے کہاکہ مہنگائی کی وجہ سے عوام پریشان ہوگئی ہے، وفاقی حکومت عوام کو ریلیف فراہم کرنے میں ناکام رہی ہے، الیکشن ہونے کے بعد عوام کو سہولیات فراہم کی جائیں گی۔