کراچی: سابق گورنر سندھ اور پاکستان تحریک انصاف کے رہنما عمران اسماعیل نے کہا ہے کہ متحدہ قومی موومنٹ نے کراچی کو حق دلوانے کےلیے کچھ بھی نہیں کیا۔
میڈیا سے گفتگو میں عمران اسماعیل کا کہنا تھا کہ ایم کیو ایم کو اعتراض ہے کہ کراچی کےلیے کچھ نہیں ہو رہا لیکن وزیراعلیٰ پراعتماد ہے۔
ان کا کہنا تھا کہ کراچی کی آبادی دانستہ طور پر کم کی جارہی ہے، طے شدہ طریقے سے پنجاب اور کراچی کی سیٹیں کم کی جارہی ہیں۔ بلوچستان کی سیٹیں بڑھائی جارہی ہیں، اس پر اعتراض نہیں، اس گنتی پر کراچی کے الیکشن نہیں ہونے دیں گے۔
عمران اسماعیل کا کہنا تھا کہ حکمراں جماعت ن لیگ مذاکرات کے معاملے پر تقسیم ہے، خواجہ آصف کو مذاکرات سے باہر نکال کر پھینک دیا گیا ہے۔
