اسلام آباد: قومی ایئرلائنز میں لازمی سروسز ایکٹ لاگو کر دیا گیا، سی ای او پی آئی اے کے دستخط سے احکامات جاری کر دئیے گئے۔
میڈیا ذرائع کے مطابق حکمنامے میں کہا گیا کہ ملازمین پرفرائض کی انجام دہی کے لیے بھاری ذمہ داری عائد ہوتی ہے،پیشہ ورانہ ذمہ داریوں میں غفلت ایکٹ کے تحت جرم کے طورپرلیاجائےگا،کوئی بھی ملازم حکم عدولی کے باعث اپنے خلاف تادیبی کارروائی کا ذمہ دارہوگا۔
ذرائع کا کہنا تھا کہ سی ای او پی آئی اے کے مطابق تمام شعبوں کے سربراہان ایکٹ کا نفاذ یقینی بنائیں،ادارہ اس وقت غیرمعمولی حالات سے گذررہا ہےلازمی خدمات ایکٹ کا اطلاق صورتحال سے نمٹنے کا کام کررہا ہے۔