رکن سندھ اسمبلی بھی پی ٹی آئی کو چھوڑ گئے، سیاست کو بھی خیرباد کہہ دیا

کراچی: پی ٹی آئی کے رکن سندھ اسمبلی نے پی ٹی آئی سے علیحدگی اختیار کرتے ہوئے سیاست کو بھی خیرباد کہہ دیا۔

میڈیا ذرائع کے مطابق رکن سندھ اسمبلی اور پی ٹی آئی کے مرکزی نائب صدر بلال غفار نے پارٹی چھوڑنے کا اعلان کرتے ہوئے سیاست کو مکمل طور پر خیر باد کہہ دیا۔

After 12 years of active politics and working for the cause of a better #Pakistan , I have decided to quit Politics and will not join any political party.
However I will continue to play my positive role in personal capacity for the betterment of the country.#PakistanZindabad pic.twitter.com/rrKKwMaqpC

— Bilal Ahmed Ghaffar (@BilalAGhaffar) May 23, 2023

تحریک انصاف کراچی کے صدر آفتاب صدیقی کے بعد اب مرکزی نائب صدر بلال غفار نے بھی ایک وڈیو بیان جاری کر کے پی ٹی آئی سے علیحدگی کا اعلان کیا۔ انہوں نے کہا کہ عمران خان کی گرفتاری کے بعد ملک بھرمیں پرتشدد واقعات کے بعد سےمیں صدمے سے دوچار تھا۔ بحیثیت پاکستانی میں سوچ نہیں سکتا کہ اداروں کے خلاف کسی محاذ آرائی کا حصہ بنوں۔

رکن سندھ اسمبلی کا مزید کہنا تھا کہ ان واقعات کے بعد فیصلہ کیا ہے کہ میں سیاست سے کنارہ کشی اختیارکرتے ہو ئے کہا کہ اسمبلی رکنیت اور پارٹی کی نائب صدارت کی ذمے داری سے بھی مستعفیٰ ہونے کا اعلان کرتا ہوں۔

بلال غفار نے کہا کہ 9 مئی کے پر تشدد واقعات کی شدید مذمت کرتا ہو اور مطالبہ کرتا ہوں کہ جناح ہاؤس، جی ایچ کیو سمیت تمام تنصیبات پر ہونے والے حملوں کی تحقیقات کر کے ملوث افراد کو سخت سزا دی جائے۔انہوں نے واضح کیا کہ میں اب کسی سیاسی جماعت کا حصہ نہیں بنوں گا لیکن پاکستان کی تعمیر و ترقی میں اپنا کردار اداکرتا رہوں گا۔