اسلام آباد:سینئر قانون دان بابر اعوان نے کہا ہے کہ الیکشن کمیشن کا کام الیکشن کا صاف و شفاف انعقاد کرانا ہے، اگر الیکشن کمیشن ایک کام نہیں کرسکتا تو پھر ادارے کا بیٹھے رہنے کا کوئی جواز نہیں۔
الیکشن کمیشن کے نئی حلقہ بندیاں کرانے کے فیصلے پر بابر اعوان نے ردعمل میں کہا کہ الیکشن کمیشن کا کام الیکشن کا صاف و شفاف انعقاد کرانا ہے ، الیکشن کمیشن کے اس فیصلے سے صوبوں کے خلاف سازش ہو رہی ہے، اگر یہ سارا معاملہ ہوگیا تو فیڈریشن ٹوٹ جائے گی۔
بابر اعوان نے کہا ہے کہ الیکشن کمیشن نے 16 مہینے پہلے سپریم کورٹ میں 4 مہینے میں حلقہ بندیاں کرانے کا کہا تھا۔
