اسلام آباد: چیف جسٹس اسلام آباد ہائیکورٹ عامر فاروق کے خلاف سوشل میڈیا مہم کے معاملے پر مشترکہ تحقیقاتی ٹیم ( جے آئی ٹی ) تشکیل دے دی گئی۔
نجی ٹی وی کے مطابق وزارت داخلہ نے چیف جسٹس اسلام آباد ہائیکورٹ عامر فاروق کے خلاف سوشل میڈیا پر چلنے والی مہم کے معاملے پر خصوصی جے آئی ٹی تشکیل دی ہے، جو ڈائریکٹر ایف آئی اے سائبر کرائم کی سربراہی میں کام کرے گی جس میں آئی ایس آئی، آئی بی اور اسلام آباد پولیس کے نمائندے شامل ہوں گے۔
خصوصی مشترکہ تحقیقاتی ٹیم 15 دن کے اندر وزارت داخلہ کو رپورٹ جمع کروائے گی۔ ایف آئی اے کی جانب سے خصوصی جے آئی ٹی کو ہر طرح کی سپورٹ فراہم کی جائے گی۔