خوشاب: جمعیت علمائے اسلام (جے یو آئی ف) کے سربراہ مولانا فضل الرحمن کا کہنا ہے کہ پاکستان پر اسرائیل کو تسلیم کرنے کا دباؤ ہے، امت مسلمہ کے سربراہان سے پوچھنا چاہتا ہوں فلسطین کے حق میں آپ کا موقف کہاں دفن ہوگیا، فلسطین انبیا کی سرزمین ہے، ہمارے ملک کا مافیا ڈالر کا استعمال کر رہا ہے۔
فضل الرحمن نے کہاکہ 2018 کے الیکشن میں دھاندلی کرکے حکومت بنائی گئی، ہم نے آئی ایم ایف کے حوالے ملک کر دیا، یہ غلامی اب نہیں چلے گی، اسلام انسانی حقوق کے تحفظ کا باقاعدہ نظام رکھتا ہے۔
سربراہ جے یوآئی کا کہنا تھا کہ پاکستان پر اسرائیل کو تسلیم کرنے کیلئے دبا ڈالا جارہا ہے، پاکستان میں دو کروڑ 70 لاکھ بچے سکولوں سے باہر ہیں، ، ملک میں صرف سیاست دان نشانے پر ہیں۔
مولانا فضل الرحمن نے کہا کہ ہم جب تک قرآن و سنت کو اپنا رہنما نہیں سمجھیں گے تب تک خوشحالی ممکن نہیں، ہماری ریاست میں عام آدمی کی تربیت یوں کی جا رہی ہے کہ صرف نماز پڑھ لی جائے۔