سابق امریکی صدر براک اوباما نے غزہ کے لوگوں کے لیے آواز اٹھاتے ہوئے لوگوں پر زور دیا ہے کہ وہ حماس اسرائیل جنگ میں “پوری سچائی کو سامنے رکھیں”۔
سابق امریکی صدر براک اوباما نے پوڈ سیو امریکہ پوڈ کاسٹ کے زیر اہتمام ایک پینل سے خطاب کرتے ہوئے کہا کہ حماس نے جو کچھ کیا وہ خوفناک تھا اور اس کا کوئی جواز نہیں ہے، اور جو بات بھی سچ ہے وہ یہ ہے کہ قبضہ اور فلسطینیوں کے ساتھ جو کچھ ہو رہا ہے، وہ ناقابل برداشت ہے۔ عوام نے سابق صدر کے موقف کو سراہا۔
اوباما نے کہا کہ غزہ میں شہید ہونے والے فلسطینیوں کا حماس سے کوئی تعلق نہیں ہے۔
Obama: “What Hamas did was horrific, and there is no justification for it. And what is also true is that the occupation, and what’s happening to Palestinians, is unbearable…
“You have to admit that all of us are complicit to some degree.” pic.twitter.com/FtAGFAexz1
— Yonah Lieberman 🔥 (@YonahLieberman) November 4, 2023
ان کا کہنا تھا کہ اگر آپ مسئلہ کو حل کرنا چاہتے ہیں، تو آپ کو پوری سچائی کو اپنانا ہوگا،اور پھر آپ کو تسلیم کرنا پڑے گا کہ کسی کے ہاتھ صاف نہیں ہیں، کہ ہم سب کسی نہ کسی حد تک شریک ہیں۔
غزہ میں وزارت صحت کے مطابق غزہ کے 9500 سے زیادہ شہری، جن میں زیادہ تر خواتین اور بچے ہیں، اسرائیلی حملوں اور زمینی مہم میں شدت سے شہید ہو چکے ہیں۔
اسرائیلی چیف آف اسٹاف لیفٹیننٹ جنرل ہرزی حلوی نے ہفتے کے روز غزہ کے اندر فوجیوں کا دورہ کیا جب انہوں نے غزہ شہر کا محاصرہ مکمل کرلیا، جو المغازی کے شمال میں واقع ہے۔