لندن : وزیر داخلہ محسن نقوی نے لندن میں پاکستانی ہائی کمیشن کا دورہ کیا جس میں سمندر پار پاکستانیوں کے مسائل کے فوری حل پر زور دیا ہے ۔
برطانیہ میں پاکستان کے ہائی کمشنر ڈاکٹر محمد فیصل سے ون آن ون ملاقات کی اور ہائی کمیشن کی خدمات کو سراہا۔
ہائی کمیشن میں اجلاس کی صدارت کرتے ہوئے انہوں نے ہدایت کی کہ سمندر پار پاکستانیوں کے مسائل ترجیحی بنیادوں پر حل کیے جائیں اور اس مقصد کے لیے جدید ٹیکنالوجی پر مبنی موثر نظام وضع کیا جائے۔
وزیر داخلہ نے اس بات پر روشنی ڈالی کہ بیرون ملک مقیم پاکستانی وطن کی نمائندگی کرتے ہیں اور ان کے خدشات کو دور کرنے میں کوئی کسر اٹھا نہ رکھنے کی اہمیت پر زور دیا۔