اسلام آباد: اسلام آباد پولیس نے سنگجانی کے علاقے میں دھماکا خیز مواد اور ہتھیاروں کی ایک بڑی کھیپ کو روک لیا، جس کو محرم الحرام کے دوران مختلف تقریبات میں استعمال کیا جانا تھا ۔ اس ذخیرہ میں دستی بم، ایک خودکش جیکٹ اور ایک اے کے 47 رائفلیں شامل تھیں ۔
حکام کی اطلاع پر بروقت کارروائی کرتے ہوئے اسلام آباد پولیس نے انٹیلی جنس پر مبنی آپریشن کیا جس کے نتیجے میں خطرناک ہتھیاروں کو پکڑا ، جس میں ڈیٹونیٹرز اور خودکش جیکٹ کے لیے مواد بھی شامل تھا۔ دھماکہ خیز مواد کو ناکارہ بنانے کے لیے فوری طور پر بم ڈسپوزل اسکواڈ کو طلب کر لیا گیا۔ حکام کا کہنا تھا کہ اس آپریشن کا مقصد عوام کی حفاظت کو یقینی بنانا تھا۔
کارروائی کے دوران مشتبہ افراد نے پولیس ٹیم پر فائرنگ کردی اور بعد ازاں موقع سے فرار ہوگئے۔ علاقے کو فوری طور پر محفوظ کر لیا گیا، اور اہلکاروں کی تعداد میں اضافے کے ساتھ ایک جامع تلاشی کارروائی جاری ہے۔
پولیس کے ترجمان نے اسلام آباد بھر میں روزانہ کی جانے والی اس طرح کی کارروائیوں پر زور دیا، ممکنہ دہشت گردی کی سرگرمیوں کو روکنے اور حساس اوقات میں عوام کی حفاظت کو یقینی بنانے میں ان کی اہمیت پر زور دیا۔
حکام نے سی ٹی ڈی پولیس اسٹیشن میں ایف آئی آر کا آغاز کر دیا ہے، پولیس کو ہائی الرٹ کر دیا گیا ہے ، پالیس حکام کا کہناہے کہ ایسی کارروائی کےلیے خصوصی ٹیمیں متحرک کر دی گئیں ہیں ۔ بعد ازاں مفرور ملزمان کا سراغ لگانے کے لیے خصوصی ٹیم سرچ آپریشن جاری رکھے گی ۔