تہران (انٹرنیشنل ڈیسک) ایرانی پاسداران انقلاب نے خلیجی علاقے میں ایک اورآئل ٹینکر کو روک کر اس کے عملے کے 9ارکان کو حراست میں لے لیا ۔ ایک ہفتے کے دوران ایران کی جانب سے یہ دوسری کارروائی ہے۔ ایران کا کہناہے کہ آئل ٹینکر تیل کی اسمگلنگ کے لیے استعمال کیا جا رہا تھا۔ آئل ٹینکر نما کشتی دبئی کے رہائشی ایک عراقی شہری کی ملکیت ہے۔ اس میں 7لاکھ لٹر تیل لے جایا جارہا تھا کہ پاسداران انقلاب کے بحری دستوں نے اسے آراش آئل فیلڈ کے نزدیک پکڑ لیا ۔ زیر حراست عملے کے ارکان بھارتی شہری بتائے گئے ہیں، جو تیل اسمگلنگ میں مبینہ طور پر شامل تھے۔
