کندھکوٹ(نمائندہ جسارت)جماعت اسلامی سندھ کے نائب امیر حافظ نصراللہ چنا نے کہا ہے کہ کرپٹ وجعلی مسلط قیادت پاکستان کی بنیادوں کو کھوکھلا کررہی ہے اسلام اورکلمہ طیبہ کے نام سے معرض وجود میں آنے والے ملک میںسودی نظام کرپشن اوربے حیائی کا سیلاب تحریک پاکستان کے شہدا کے خون سے غداری ہے۔نوجوان نسل ملک کی تقدیربدل سکتی ہے۔ان خیالات کا اظہار انہوں نے کندھکوٹ میں شعبہ اطفال کے تحت بچوں کی جشن آزادی ریلی سے خطاب کے دوران کیا ۔ریلی سے جماعت اسلامی ضلع کشمورکے امیرغلام مصطفیٰ میرانی سمیت دیگر سیاسی وسماجی رہنمائوں اساتذہ نے بھی خطاب کیا۔ انہوں نے مزید کہاکہ پاکستان پٹرول تیل گیس اورکوئلہ سمیت زراعت کی دولت سے مالا مال ہے مگر اصل فقدان اہل ودیانتدار قیادت کا ہے۔