اسلام آباد:تحریک انصاف ( پی ٹی آئی ) قومی اسمبلی میں قائد حزب اختلاف عمر ایوب کا کہنا ہے کہ نئے ضابطے اور نئے لوگ سیاسی ماحول کو خراب کررہے ہیں اور یہ لوگ ملک کو تباہی کی طرف لے جارہے ہیں، یہ بہت مضحکہ خیز بات ہے یہی وجہ ہے کہ ملک آج تباہی کی جانب گامزن ہے۔
میڈیا سے گفتگو کرتے ہوئے عمرا یوب نے کہاکہ انصاف کے بغیر سیاسی عدم استحکام نہیں ختم ہوسکتا، یہ معیشت ٹھیک نہیں ہوسکتی، عوام مہنگائی کے بوجھ تلے دب گئے ہیں، حکومت ان کے لیے امید بھی ختم کررہے ہیں، فیض حمید سے متعلق انکوائری فوج کا اندرونی معاملہ ہے۔
انہوں نے مزید کہاکہ ہم نے آئین اور قانون کے اندر رہتے ہوئے اپنی سیاست کی ہے، آج کی طے شدہ ملاقات میں یہ شرط عائد کرنا کہ ہم لوگ عمران خان کے ساتھ سیاسی گفتگو نہیں کرسکتے، یہ ناقابل قبول ہے ہم اس معاملے کو اسمبلی میں اٹھائیں گے اور عدالتوں میں بھی جائیں گے۔