انقرہ (انٹرنیشنل ڈیسک) ترک فوج کے شمالی عراق میں دہشت گردوں کے ٹھکانوں پر حملے کرتے ہوئے 21 ٹھکانوں کو تباہ کر دیا۔ خبر رساں ادارے کے مطابق ترک فوج نے عراق کے شمال میں میتینا، گارا، ہاکرک، قندیل اور آسوس کے علاقوں میں فضائی آپریشن کیا۔ کارروائی کے دوران کئی دہشت گرد وں کو ہلاک کردیا گیا۔ ترک فوج نے غاروں، پناہ گاہوں، گوداموں اور دہشت گرد تنظیم پی کے کے کے زیر استعمال مقامات سمیت دہشت گردوں کے 21 اہداف کو نشانہ بنایا۔ واضح رہے کہ تُرک فوج نے عراق اور شام میں موجود کرد علاحدگی پسندوں کے خلاف آپریشن شروع کررکھا ہے۔