ریاض : سعودی حکام نے نمازیوں کو پریشانی سے بچانے کے لیے مکہ مکرمہ میں مسجد الحرام کے اندر تصاویر لینے کے لیے نئے قوانین متعارف کردیے ہیں ۔
حج و عمرہ کی وزارت نے نئے قوانین میں نمازیوں کو جلدی سے فوٹو کھینچنے اور دوسروں کو پریشان کرنے سے گریز کرنے کی ترغیب دی ہے ۔
زائرین کی کی خواہش کو پورا کرنے کے لیے اس طرح کے اقدامات اٹھائے گئے ہیں تا کہ زائرین مسجد الحرام میں تصاویر لینے کے بعد اپنی یادوں کو ساتھ لے جاسکیں ۔ تاہم، ان سے یہ بھی گزارش کی جاتی ہے کہ وہ تصاویر کھینچتے وقت زیادہ دیر نہ لگائیں تاکہ نمازیوں کی آمد و رفت میں کوئی رکاوٹ نہ رہے۔
وزارت کے اشتراک کردہ اعداد و شمار کے مطابق، اس سال دنیا بھر سے تقریباً 1.8 ملین مسلمانوں نے حج ادا کیا، جبکہ 13.5 ملین افراد نے عمرہ ادا کیا، اور مملکت کا مقصد اگلے سال 15 ملین عازمین کو خوش آمدید کہنا ہے۔
عمرہ کے مزید مواقع فراہم کرنے کے لیے، ویزے کی مدت 30 سے بڑھا کر 90 دن کر دی گئی ہے، زائرین کسی بھی ہوائی اڈے سے روانگی کے ساتھ، زمینی، فضائی اور سمندری راستوں کے ذریعے داخل ہونے کے لیے آزاد ہیں۔
مزید برآں، خواتین حجاج کو اب مرد سرپرستوں کے ساتھ جانے کی ضرورت نہیں ہے۔