واشنگٹن (انٹرنیشنل ڈیسک) امریکی ریاست لوزیانا سے سمندری طوفان فرانسین ٹکرا گیا160 کلومیٹر فی گھنٹہ کی رفتار سے چلنے والے طوفانی ہوائوں نے تباہی مچادی۔خبررساں اداروں کے مطابق طوفان کے سبب لوزیانا میں 42 ہزار سے زائد صارفین بجلی سے محروم ہیں۔ حکام کی جانب سے طوفان کے اثرات کے باعث شہریوں کو گھروں پر رہنے کی ہدایت کی گئی ہے۔ذرائع ابلاغ کے مطابق طوفان کے باعث کئی رہایشی علاقوں میں پانی داخل ہوگیا،جب کہ کئی سڑکوں پر گاڑیاں پانی میں ڈوب گئیں اور راستے مسدود ہوگئے۔ مقامی حکام کا کہنا ہے کہ امدادی ٹیموں کو ہنگامی حالات کے لیے تیار کردیا گیا ہے۔