نیویارک: وزیراعظم محمد شہباز شریف نے نیویارک میں یو این جی اے کے موقع پر انٹرنیشنل مانیٹری فنڈ آئی ایم ایف کی منیجنگ ڈائریکٹر کرسٹالینا جارجیوا سے ملاقات کی۔
میڈیا رپورٹس کےمطابق وزیر اعظم نے پاکستان کے لیے 37 ماہ کے کامیاب اسٹاف لیول ایگریمنٹ کے لئے آئی ایم ایف کے ساتھ تعاون کو سراہتے ہوئے آئی ایم ایف کی تکنیکی معاونت اور صلاحیت سازی کے پروگراموں کی تعریف کی۔
شہباز شریف نے اکتوبر میں ہونے والے سالانہ اجلاسوں کے دوران وزیر خزانہ کو آئی ایم ایف کی سینئر انتظامیہ کے ساتھ اس اہم مسئلے کو اٹھانے پر اتفاق کیا، دونوں رہنماؤں نے معاشی استحکام اور ترقی کو فروغ دینے کے لیے حکومت اور آئی ایم ایف کے درمیان تعاون کو مضبوط بنانے پر اتفاق کیا۔