جنیوا (انٹرنیشنل ڈیسک) عالمی ادارہ صحت نے 12 سے 17 سال کے افراد کو منکی پاکس سے محفوظ رکھنے کے لیے جرمن کمپنی بویرین نارڈک کی تیار کردہ ویکسین لگانے کی منظوری دے دی۔ خبررساں اداروں کے مطابق 12 سے 17 سال کی عمر کے نوجوانوں کو عالمی سطح پر خدشات کا باعث بننے والی اس بیماری کے لیے زیادہ غیرمحفوظ تصور کیا جاتا ہے۔ یاد رہے کہ اس سے قبل ڈبلیو ایچ اونے رواں سال اگست میں جمہوریہ کانگو سے منکی پاکس کی نئی قسم کے پھیلاؤ کے بعد 2سال میں دوسری بار منکی پاکس کو عالمی صحت عامہ کے لیے ایمرجنسی قرار دیا تھا۔