سری نگر (صباح نیوز)مقبوضہ جموں و کشمیرکے ضلع کشتواڑ میں ایک حملے میں ایک جونیئر کمیشنڈ آفیسر (جے سی او) ہلاک جبکہ 3 بھارتی فوجی زخمی ہو گئے۔بھارتی فورسز کے اہلکاروں نے ضلع کے علاقے کیشون میں محاصرے اور تلاشی کی کارروائی شروع کی تھی۔ آپریشن کے دوران ایک حملے میں بھارتی فوج کا جے سی او سمیت 4فوجی زخمی ہوئے، زخمی ہونے والا جے سی او زخموں کی تاب نہ لاتے ہوئے ہلاک ہوگیا۔کانٹواڑہ اور کیشون کے علاقوں میں جاری آپریشن جمعرات کی شام شروع کیا گیاتھا۔