اسلام آباد:چیئرمین پیپلز پارٹی بلاول کا کہنا ہے کہ تحریک انصاف ( پی ٹی ائی کے احتجاجی مظاہروں میں امن و امان کیلئے موجود پولیس اور سیکیورٹی فورسز کو نشانہ بنانا دہشتگردی ہے۔
اسلام آباد میں رینجرز اہلکاروں کے کچلے جانے کی مذمت کرتےہوئےبلاول نے کہاکہ رینجرز اور پولیس پر حملوں میں ملوث ملزمان کو قانون کے کٹہرے میں لایا جائے، ملک دشمن عناصر سے آہنی ہاتھوں سے نمٹا جائے۔
انہوں نےمزید کہاکہ جاں بحق ہونے والے رینجرز اور پولیس اہلکار کے خاندان سے میں اظہار تعزیت کرتاہوں ، مجھے افسوس ہےکہ ہمارے جوان اپنی ذمہ داری نبھاتے ہوئے دہشت گردوں کے حملے میں شہید ہوگئے۔
خیال رہے کہ پی ٹی آئی احتجاج کے دوران پی ٹی آئی کے کارکنان کا کئی جگہوں میں رینجرز اور پولیس سے تصاد م ہوا ہے، جس کے نتیجے میں اب تک 4 رینجرز کے جوان اور 4 پولیس اہلکار جاں بحق ہوگئے ہیں جبکہ 4رینجرز کے جوان اور 100 سے زائد پولیس اہلکار زخمی ہیں۔