اسلام آباد: وفاقی آئینی عدالت کے ججوں کی تعداد بڑھا کر 13 کرنے کا امکان ہے۔
ذرائع کے مطابق چیف جسٹس وفاقی آئینی عدالت امین الدین خان اسلام آباد ہائیکورٹ کے روم نمبر ایک میں بیٹھیں گے، جبکہ چیف جسٹس اسلام آباد ہائیکورٹ سرفراز ڈوگر کورٹ روم نمبر 2 میں منتقل ہو جائیں گے۔
ذرائع نے بتایا کہ جسٹس مسرت ہلالی نے صحت کے مسائل کے باعث آئینی عدالت میں جج بننے سے معذرت کر لی ہے۔ 27 ویں آئینی ترمیم کے تحت وفاقی آئینی عدالت قائم کی گئی تھی اور آج اس عدالت کے پہلے چیف جسٹس امین الدین خان نے صدر آصف زرداری سے اپنے عہدے کا حلف لیا ہے۔
