لاہور : مسلم لیگ (ن) کی قیادت میں سینیٹ کے اندر اہم تبدیلی عمل میں آ گئی ہے، جہاں پارٹی کے سینئر رہنما رانا ثنا اللہ کو سینیٹ میں پارلیمانی لیڈر نامزد کر دیا گیا ہے۔
پارٹی ذرائع کے مطابق یہ فیصلہ مسلم لیگ (ن) کے صدر اور سابق وزیراعظم نواز شریف نے کیا، جس کے بعد باضابطہ کارروائی مکمل کر لی گئی۔
سینیٹر اسحاق ڈار نے رانا ثنا اللہ کی نامزدگی سے متعلق چیئرمین سینیٹ یوسف رضا گیلانی کو تحریری طور پر آگاہ کر دیا ہے۔
یاد رہے کہ اس سے قبل یہ ذمے داری سینیٹر عرفان صدیقی مرحوم کے پاس تھی، جن کی وفات کے بعد یہ عہدہ خالی تھا۔
