اسلام آباد: وزیر دفاع خواجہ محمد آصف نے وزیراعلیٰ خیبرپختونخوا سہیل آفریدی کی قیادت پر سخت تنقید کرتے ہوئے کہا ہے کہ ان کی پارٹی کی قیادت وفاقی دارالحکومت اور پاکستان کی وحدت پر بار بار حملے کرتی ہے۔
خواجہ آصف نے کہا کہ سہیل آفریدی صاحب! آپ کی قیادت میں وفاقی دارالحکومت پر بار بار حملے ہوتے ہیں اور آپ کی پارٹی کی قیادت کے اقدامات ملکی وحدت اور آئینی اقدار کے لیے خطرہ ہیں۔
انہوں نے مزید کہا کہ سہیل آفریدی کے کارکنان ان کی قیادت کی آشیرباد سے سوشل میڈیا پر انتہائی نازیبا زبان استعمال کرتے ہیں، جس سے آئینی عہدوں اور بین الصوبائی تعلقات پر منفی اثر پڑ رہا ہے۔
وزیر دفاع نے اس بات پر زور دیا کہ تمام سیاسی جماعتیں اور رہنما آئینی اقدار اور بین الصوبائی احترام کے تحفظ کے لیے متحد ہوں اور اس قسم کے رویوں کی مذمت اور سدباب کریں۔
خواجہ آصف کا کہنا تھا کہ سیاسی اختلافات کو پرامن اور آئینی دائرے میں رہ کر ہی حل کیا جانا چاہیے تاکہ ملک میں اتحاد اور ہم آہنگی برقرار رہے۔
