امریکی سینٹرل کمانڈ نے دعویٰ کیا ہے کہ ایران میں ایک ہزار سے زائد اہداف کو نشانہ بنایا گیا ہے، جن میں پاسداران انقلاب کا مرکزی ہیڈ کوارٹر بھی شامل ہے۔
سوشل میڈیا پلیٹ فارم ایکس پر جاری بیان میں کہا گیا کہ بڑے پیمانے پر فضائی کارروائیاں جاری ہیں اور متعدد عسکری تنصیبات کو نقصان پہنچایا گیا ہے۔
بیان کے مطابق ایرانی پاسداران انقلاب کی ایرو اسپیس فورسز کے ہیڈ کوارٹر کو بھی ہدف بنایا گیا، جبکہ بیلسٹک میزائل سائٹس اور ایرانی بحریہ کے بعض جہازوں پر حملے کیے گئے۔
امریکی حکام کا کہنا ہے کہ یہ کارروائیاں خطے میں بڑھتی ہوئی کشیدگی کے تناظر میں کی جا رہی ہیں۔
عالمی مبصرین کے مطابق اس سطح کی کارروائیوں سے مشرقِ وسطیٰ میں صورتحال مزید پیچیدہ ہو سکتی ہے، تاہم امکان ظاہر کیا جا رہا ہے کہ جوابی اقدامات خطے میں تناؤ کو نئی سطح تک لے جا سکتے ہیں۔