روس کا ایک فوجی نقل و حمل کا طیارہ گر کر تباہ ہو گیا، جس کے نتیجے میں 29 افراد ہلاک ہو گئے۔
روسی وزارتِ دفاع کے مطابق انتونوف اے این 26 کریمیا میں حادثے کا شکار ہوا، جس میں 23 مسافر اور عملے کے 6 ارکان جان سے گئے۔
حکام کا کہنا ہے کہ اڑان بھرنے کے کچھ ہی دیر بعد پائلٹ کا فضائی نگرانی کے ادارے سے رابطہ منقطع ہو گیا تھا، جس کے بعد طیارہ گر کر تباہ ہو گیا۔ بعد ازاں امدادی ٹیمیں جائے حادثہ پر پہنچیں اور ملبہ تلاش کر لیا گیا۔
ابتدائی اطلاعات کے مطابق حادثے کی ممکنہ وجہ فنی خرابی بتائی جا رہی ہے، تاہم واقعے کی مکمل تحقیقات شروع کر دی گئی ہیں۔
