امریکی محکمہ خارجہ نے اعلان کیا ہے کہ پشاور میں امریکی قونصل خانہ کو مرحلہ وار بند کیا جا رہا ہے۔
اعلامیے کے مطابق خیبرپختونخوا سے متعلق تمام سفارتی امور اب اسلام آباد میں امریکی سفارتخانہ کے ذریعے انجام دیے جائیں گے، جہاں تمام متعلقہ ذمہ داریاں منتقل کی جا رہی ہیں۔
محکمہ خارجہ نے کہا ہے کہ یہ فیصلہ سفارتی عملے کی حفاظت، سیکیورٹی خدشات اور وسائل کے مؤثر استعمال کے پیش نظر کیا گیا ہے۔
امریکی حکام کے مطابق سفارتی ڈھانچے میں یہ تبدیلی انتظامی نوعیت کی ہے اور خطے میں موجود صورتحال کے مطابق اپنے وسائل کو زیادہ مؤثر بنانے کی کوشش کا حصہ ہے۔