نیپیداو : میانمار میں دھماکے کے نتیجے میں 55 افراد ہلاک جبکہ درجنوں زخمی ہوگئے۔ہلاک ہونے والوں میں 25خواتین بھی شامل ہیں۔
میانمار کی فوجی حکومت کے خلاف برسرپیکار ٹینگ نیشنل لبریشن آرمی (ٹی این ایل اے) نے بیان میں کہا کہ دھماکا اتفاقیہ ہوا جس میں متعدد افراد ہلاک ہوئے ہیں اور زخمیوں کے ساتھ ساتھ شہریوں کے گھروں کو بھی نقصان پہنچا ہے۔
ٹی این ایل اےنے بیان میں کہا کہ دھماکے میں ہلاک افراد کے لواحقین سے تعزیت کرتے ہیں، زخمیوں کی صحت یابی کے لیے نیک خواہشات کا اظہار کرتے ہیں۔
ٹینگ نیشنل لبریشن آرمی کا کہناہےکہ دھماکے کی وجوہات جاننے کے لیے تفتیش کی جا رہی ہے اور ذمہ داروں کے خلاف کارروائی کی جائے گی، متاثرہ خاندانوں کو امداد فوری طور پر پہنچادی جائے گی۔
مقامی میڈیا نے بتایا کہ ہلاک افراد میں 25 خواتین اور 30 مرد شامل ہیں، عینی شاہدین کا کہنا تھا کہ دھماکے سے ایسا محسوس ہوا کہ فضائی کارروائی کی گئی ہے۔
