ٹریکٹر سے گرنے کے بعد بی ایس ایف سب انسپکٹر جاں بحق

سانبہ/سانبہ ضلع کے بڑی برہمناں علاقے میں ٹریکٹر سے گرنے کے نتیجے میں بارڈر سیکیورٹی فورس (بی ایس ایف) کے ایک سب انسپکٹر جاں بحق ہوگئے۔
حکام کے مطابق بی ایس ایف سب انسپکٹر چھٹی پر تھے کہ بڑی برہمناں کے قریب ٹریکٹر سے اچانک گر گئے، جس کے باعث انہیں شدید چوٹیں آئیں۔ انہیں علاج کے لیے منتقل کیا گیا، تاہم وہ زخموں کی تاب نہ لاتے ہوئے دم توڑ گئے۔
متوفی کی شناخت وید پال سنگھ ساکن رتنال کھیڑی، بشناہ، جموں ضلع کے طور پر ہوئی ہے۔
پولیس نے واقعے کا نوٹس لیتے ہوئے مزید کارروائی شروع کر دی ہے۔