ایئرپورٹ کے اندرونی ہی نہیں بیرونی احاطے میں بھی نگرانی کرے گی
واچ ٹاورز پر ڈیوٹی بھی دے گی اور پیدل گشت بھی کرے گی ٗ سیکورٹی پلان کو مسودہ تیار
کراچی (کرائم رپورٹر) پی ایس ایل فائنل کے پہلے سیکورٹی پلان کا مسودہ تیار کرلیا گیا سیکورٹی اداروں نے اہم ہدایات پر عملدرآمد کو یقینی بنانے کی سفارش کردی۔ ذرائع کے مطابق پی ایس ایل کے پہلے سیکورٹی پلان کا مسورہ تیار کرلیا گیا جس کے تحت ایئرپورٹ سیکورٹی فورس (اے ایس ایف) ایئرپورٹ کے اندرونی ہی نہیں بیرونی احاطے کی بھی نگہبان ہوگی (اے ایس ایف) واچ ٹاورز ر ڈیوٹی بھی دے گی اور پیدل گشت بھی کرے گی(اے ایس ایف) ایئرپورٹ میں وقت ضرورت موبائلوں پر کوئک رسپانس فورس کی بھی خدمات انجام دے گی اور ایئرپورٹ میں لاوارث مشتبہ گاڑیوں کو ٹھکانے لگانے کا کام بھی انجام دے گی۔ خطرات اور دیگر پروازوں سے بچنے کے لیے پی ایس ایل کے مہمانوں کے لیے ایئرپورٹ ون استعمال ہوگا عام مسافر اورشخصیات کو کھلاڑیوں، میچ آفیشلز اور دیگر مہمانوں سے دور رکھا جائے گا۔
