کراچی (اسٹاف رپورٹر) سندھ کے وزیر زکوٰۃ و عشر، اینٹی کرپشن اور آبپاشی سہیل انور سیال نے کہا ہے کہ سندھ کے محکمہ زکوٰۃ کے فنڈز سے امداد حاصل کرنے والے اداروں کا آڈٹ ہوگا، ضلعی اور مقامی زکوٰۃ فنڈز ضرورت مند لوگوں اور مستحقین تک پہنچ رہا ہے اس کا آڈٹ کرایا جائے گا۔ بیان میں صوبائی وزیر نے کہاکہ زکوٰۃ فنڈز کے استعمال میں شفافیت کو خصوصی اہمیت دی جائے، محکمے کے افسران مستحقین زکوٰۃ کا ڈیٹا اپ ڈیٹ رکھیں۔
