کراچی (اسٹاف رپورٹر) کراچی انتظامیہ آج جمعہ سے 2 روزہ انسداد پولیو کی خصوصی مہم شروع کر رہی ہے۔ مہم کے دوران کراچی کی 34 انتہائی حساس یونین کونسلوں میں پانچ سال عمر تک کے ان بچوں کو پولیو کے قطر ے پلائے جائیں گے جو پولیو کے قطرے پینے سے رہ گئے ہیں۔ یہ خصوصی مہم وزیراعلیٰ مراد علی شاہ کی ہدایت پر شروع کی جارہی ہے۔ مہم کو کامیاب بنانے کے لیے مذہبی رہنمائوں، علما، منتخب رہنمائوں اور رائے عامہ کے دیگر ماہرین کا تعاون حاصل کیا گیا ہے۔
