یمنی باغیوں کا حدیدہ میں اسپتال اور اقوام متحدہ کے مرکزپر حملہ

صنعا (انٹرنیشنل ڈیسک) حوثی ملیشیا نے یمن کے ساحلی شہر حدیدہ میں اسپتال اور اقوام متحدہ کے سیز فائر کنٹرول پوائنٹ پر گولاباری کرکے دونوں مراکز کو نقصان پہنچا یا۔ خبررساں اداروں کے مطابق واقعہ اقوام متحدہ کے ایلچی مارٹن گریفتھس کے دارالحکومت چھوڑنے کے چند گھنٹے بعد پیش آیا۔ مقامی ذرائع ابلاغ کے مطابق باغیوں کی جانب سے 3 گولے داغے گئے، جس سے اسپتال کی عمارت میں آگ بھڑک اٹھی۔ ملیشیا کے نشانہ بازوں نے خامری چوکی کے قریبی مکانات سے کنٹرول پوائنٹ پر فائرنگ بھی کی۔ واضح رہے کہ خامری ان 5کنٹرول پوائنٹ میں سے ایک ہے، جو بحالی کی رابطہ کمیٹی نے کے تحت حدیدہ میں قائم کیے تھے۔