لاڑکانہ(نمائندہ جسارت) ذوالفقاربھٹو کی پوتی اور میر مرتضیٰ بھٹو کی بیٹی فاطمہ بھٹو گزشتہ روز اچانک نوڈیرو پہنچ گئیں جہاں شہریوں نے انکا پرجوش استقبال کرکے پھول نچھاور کیے۔ فاطمہ بھٹو نے خاندانی زمینوں، رائس مل اور آئس فیکٹری کا دورہ کیا۔ شہریوں کی جانب سے فاطمہ کو چائے پارٹی کی دعوت دی گئی جبکہ فاطمہ بھٹو نے جواب میں کہا کہ آپ المرتضیٰ ہاؤس آئیں وہاں چائے پیں گے۔ اس موقع پر عنایت علی عمرانی اور دیگر بھی ساتھ تھے۔ دوسری جانب فاطمہ بھٹو
سے لاڑکانہ المرتضیٰ ہاؤس میں پیپلز پارٹی(ش ب ) صوبہ بلوچستان کے وفد نے ملاقات کی جس میں سیاسی اور تنظیمی صورتحال پر گفتگو کی گئی۔
