سندھ بھر کے تمام اسپتالوں کے سربراہان اور ہیلتھ افسران کو ہدایات پر عمل درآمد کی ہدایت جاری
کراچی (اسٹاف رپورٹر) کورونا وائرس پر صوبائی محکمہ صحت نے ہدایت نامہ جاری کیا ہے جس میں صوبہ بھر کے تمام اسپتالوں کے سربراہان اور ہیلتھ افسران کو کورونا وائرس سے متعلق ہیلتھ ایڈوائزری پر عمل درآمد کو یقینی بنانے کی ہدایت کی ہے، قومی ادارہ برائے صحت کے مشوروں کو مدنظر رکھتے ہوئے چین یا ایران سے آنے والے خاندانوں کو 14 دن کے لیے اپنے گھر قرنطینہ میں رہنا ہوگا، محکمہ صحت کے افسران اس سلسلے میں آگاہی پھیلانے میں اپنی ذمہ داریاں انجام دیں گے، اس بات کو بھی یقینی بنایا جائے کہ دیگر ملکوں سے آنے والے افراد اپنے بچوں کو 14 دن تک اسکول نہ بھیجیں۔
