جرمن عدالت نے خواتین کی توہین کو قابل سزا جرم قرار دے دیا

برلن (انٹرنیشنل ڈیسک) جرمنی کی ایک اعلیٰ علاقائی عدالت نے فیصلہ سنایا ہے کہ خواتین سے متعلق نازیبا جملے بازی ملک کے نفرت انگیزی سے متعلق تعزیراتی قوانین کے زمرے میں آتی ہے۔ خبر رساں اداروں کے مطابق اس سے قبل بون شہر کی ایک ماتحت عدالت نے خواتین کو دوسرے درجے کا انسان کہنے پر نفرت انگیزی کے قانون کے تحت چلائے جانے والے مقدمے میں ایک شہری کو بری کر دیا تھا۔