امریکا میں سیاہ فام فیملی کو دھمکیاں دینے والے سفید فام جوڑے کے خلاف قانونی کارروائی کا آغاز کردیا۔
بین الاقوامی میڈیا رپورٹس کے مطابق واقعہ آکلینڈ کاؤنٹی میں اورین ٹاؤن کے علاقے ڈیٹروٹ میں پیش آیا جہاں سفید فام میاں بیوی نے سیاہ فام فیملی کے سامنے اسلحہ نکال لیا اور انہیں جان سے مارنے کی دھمکیاں دیں۔
کاؤنٹی شیرف کا کہنا ہے کہ سفید فام جوڑے کے پاس خطرناک اسلحہ تھا جب کہ سیاہ فام فیملی غیر مسلح تھی، جوڑے نے سیاہ فام خاتون اور اس کی بچے کو اسلحہ سے ڈرایا دھمکایا انہیں سنگین نتائج کی دھمکیاں دیں۔
اس واقعے کی ویڈیو سوشل میڈیا پر وائرل ہوگئی ہے جسے لاکھوں بار دیکھا جا چکا ہے، صارفین نے سفید جوڑے کے خلاف سخت قانونی کارروائی کرکے کرار واقعی سزا دینے کا مطالبہ کیا ہے۔
صارفین نے واقعے کی متعدد شکایات پولیس کو دی جس پر جوڑے کو گرفتار کر لیا گیا اور ان کے خلاف قانونی کارروائی کا آغاز کر دیا گیا ہے۔
