کراچی: متحدہ عرب امارات جانے والے متعدد مسافرملک کے مختلف ایئرپورٹس پرپھنس گئے۔
تفصیلات کے مطابق متحدہ عرب امارات جانے والے سیکڑوں پاکستانی مسافروں کو ایئرپورٹس پر ہی روک دیا گیا۔گزشتہ روزیواے ای حکومت نےآئی سی اے منظوری کوختم کردیا تھا جس کی وجہ سے پی کے 217 پشاورکےمسافرایئرپورٹس پہنچےتوویزے کی منظوری نہیں بھیجی گئی۔
امیگریشن حکام نے تنبیہہ کی ہے کہ ایسےمسافروں کوڈی پورٹ اورایئرلائنزکوجرمانہ ہوگا۔
اس صورتحال پر ردعمل دیتے ہوئے ترجمان پی آئی اے کا کہنا ہے کہ پی آئی اے کی انتظامیہ نےابوظہبی حکام سے رابطہ کیاہے گزشتہ روز 59 مسافر پشاور سے ابو ظہبی نہ جاسکے مسافر ایئرپورٹ پر ہی انتظار کررہے ہیں، کل بھی 83 مسافروں کوابوظہبی کی پرواز سے اتاردیاگیاتھا۔
ترجمان نے کہا کہ پاکستانی سفارتی ذرائع سے بھی مدد کی درخواست کی جائے گی۔
