ترک ٹیکسی ڈرائیور نے ایمانداری کی تازہ مثال قائم کرتے ہوئے لاکھوں یوروز سے بھرا بیگ مالک کے حوالے کر دیا۔
مقامی میڈیا رپورٹ کے مطابق ترکی کے شہر استنبول میں ایک ٹیکسی ڈرائیور نے اپنی گاڑی میں مسافر کی جانب سے بھولے گئے تین لاکھ یوروز مالک کو واپس پہنچادئیے۔
مذکورہ مسافر غیر ملکی شہری تھا جو استنبول کے ہوائی اڈے سے ٹیکسی میں سوار ہوا اور استنبول کے مقامی ہوٹل پر اترا، مسافر کے اترنے کے بعد ٹیکسی ڈرائیور کی نظر گاڑی کی پچھلی سیٹ پر پڑی تو اسے وہاں ایک بیگ نظرآیا۔
ٹیکسی ڈرائیور نے مسافر کی جانب سے بھولنے والے بیگ کو کھول کر دیکھا تو اس کی حیرت کی انتہا نہ رہی، بیگ میں لاکھوں یوروز موجود تھے، اسی لمحے ٹیکسی ڈرائیور نے فوری طور پر ہوٹل انتظامیہ سے رابطہ کرتے ہوئے پیسوں سے بھرا بیگ اس کے مالک کے حوالے کر دیا۔
