کابل (انٹرنیشنل ڈیسک) قطرکے امدادی ادارے نے افغانستان کے دارالحکومت کابل میں 11 کروڑ ڈالر کی لاگت سے بڑے رہایشی منصوبے کی تیاری شروع کردی۔ افغان وزارت برائے شہری ترقی نے اپنے بیان میں بتایا کہ رہایشی عمارت میں 768اپارٹمنٹ، ایک مسجد، 2اسکول، 2تجارتی مراکز اور 2یتیم خانے ہوں گے۔ منصوبے سے متعلق معاہدے پر ہفتے کے روز دستخط کیے گئے۔ بیان میں بتایا گیا کہ یہ منصوبہ کم از کم 3برس میں مکمل ہو پائے گا۔
