ریاض (انٹرنیشنل ڈیسک) بحیرہ احمر میں ایک مال بردار جہاز یمنی باغیوں کی جانب سے سمندر میں بچھائی گئی بارودی سرنگ سے ٹکرا گیا، جس کے نتیجے میں اس کے نچلے حصے میں شگاف پڑ گیا۔ سعودی سرکاری میڈیا نے واقعے کی اطلاع دی ہے تاہم مزید کسی قسم کی تفصیلات فراہم نہیں کی گئیں۔ علاوہ ازیں خطے میں سمندری تجارتی امور پر نگاہ رکھنے والی برطانوی میرین ٹریڈ آپریشنز کی جانب سے ایسے کسی واقعے کی معلومات سے انکار کیا گیا ہے۔ واضح رہے کہ رواں ہفتے عرب اتحاد نے دعویٰ کیا تھا کہ اس نے بحیرہ احمر میں 171 باردوی سرنگیں تباہ کی ہیں۔
