لندن (انٹرنیشنل ڈیسک) برطانوی عدالت نے امریکی راز افشا کرنے والی ویب سائٹ وکی لیکس کے بانی جولیان اسانج کی ضمانت ایک بار پھر مسترد کرکے درخواست خارج کردی۔ ذرائع ابلاغ کے مطابق جولیان اسانج 18 ماہ سے ایکواڈور کے سفارت خانے سے بے دخل کیے جانے کے بعد جنوب مشرقی لندن کی جیل میں قید ہیں۔ جولیان کی ضمانت کی درخواستوں کو کئی بار مسترد کردیا گیا تھا، لیکن ان کے وکلا کا خیال تھا کہ چند روز قبل ان کی امریکا حوالگی سے متعلق فیصلے کے بعد ضمانت کے امکانات روشن ہوگئے ہیں۔
