راولپنڈی: یو این امن مشن میں خدمات سر انجام دیتے ہوئے پاک فوج کا جوان شہید ہوگیا ہے۔
آئی ایس پی آر کے مطابق لانس نائیک عادل جان یو این مشن دار فور میں خدمات سرانجام دے رہے تھے،38 سالہ عادل جان کا تعلق لکی مروت سے تھا، شہید عادل جان شہریوں کے تحفظ اور امداد فراہمی کے فرائض سرانجام دے رہے تھے۔
آئی ایس پی آر کا کہنا ہے کہ یو این مشن میں اب تک 161 پاکستانی جانوں کے نذرانے پیش کرچکے، پاکستان نے عالمی امن واستحکام کیلئے بڑھ چڑھ کر کام کیا۔
