قاہرہ (انٹرنیشنل ڈیسک) مصر میں جنرل سیسی کی حکومت نے دارالحکومت کو آیندہ ماہ قاہرہ سے دوسرے شہر میں منتقل کرنے کا حکم دے دیا۔ نیا دارالحکومت انتہائی گنجان آباد قاہرہ سے تقریباً 45کلومیٹر دور تعمیر کیا جا رہا ہے۔ قاہرہ میں صدارتی دفتر کی طرف سے جاری کیے گئے ایک اعلان کے مطابق حکومتی دفاتر قاہرہ سے مشرق کی طرف زیر تعمیر نئے شہر میں دسمبر میں منتقل ہونا شروع ہو جائیں گے۔ یاد رہے کہ مصر میں فوجی بغاوت کے بعد صدر عبدالفتاح سیسی نے 2014ء میں اقتدار پر قبضہ کرلیا تھا۔ ان کے ایما پر 2015ء میں ملک کے ایک نئے انتظامی دارالحکومت کی تعمیر اور پھر حکومتی دفاتر کی وہاں منتقلی کے منصوبے پر کام شروع کیا گیا تھا۔ اس شہر کو ابھی تک کوئی نام نہیں دیا گیا ہے۔
