ابوظبی (انٹرنیشنل ڈیسک) تُرک صدر امارات کے دورے پر پہنچ گئے ، جہاں انہوں نے ابوظبی کے ولی عہد شیخ محمد بن زاید النہان سے ملاقات کی۔ اس دوران دونوں ممالک کے درمیان 13 سمجھوتوں پردستخط کیے گئے،جن میں دفاع، صحت، ماحولیاتی تبدیلی، صنعت، ٹیکنالوجی، ثقافت، زراعت، تجارت، معیشت، نقل وحمل، مواصلات کے شعبے شامل ہیں۔ ترک صدر رجب طیب اردوان 2013 ء کے بعد متحدہ عرب امارات کے بعد ابوظبی پہنچے ہیں۔ ملاقات کے دوران دونوں رہنماؤں نے اس بات پر زوردیا کہ ترکی اور امارات خطے میں سلامتی اور استحکام کو مضبوط بنانے اور درپیش بحرانوں کے پرامن حل کی کوششوں کی حمایت کریں گے۔
