واٹس ایپ کا جلد نئے فیچرز متعارف کرائے جانے کا امکان

واٹس ایپ کی جانب سے مسلسل نئے فیچرز متعارف کرائے جاتے ہیں تاکہ صارفین کو بہترین تجربہ فراہم کیا جاسکے۔

اب واٹس ایپ میں ایک نئے فیچر کی آزمائش شروع کی گئی ہے جو چیٹس کے یوزر انٹرفیس کے ساتھ ساتھ فیس بک جیسی کور فوٹو کا اضافہ بھی کرے گا۔

اس فیچر کو واٹس ایپ کی اپ ڈیٹس پر نظر رکھنے والی سائٹ WABetaInfo نے دریافت کیا۔

رپورٹ کے مطابق واٹس ایپ کی جانب سے نئے فیچر پر کام کیا جارہا ہے جو پروفائل میں کور فوٹو کا اضافہ کرسکے گی۔

بنیادی طور پر یہ فیچر واٹس ایپ بزنس کے لیے تیار کیا جارہا ہے اور ممکنہ طور پر عام اکاؤنٹس کے لیے دستیاب نہیں ہوگا۔

اس فیچر کے لیے بزنس اکاؤنٹس کے لیے ایک نیا کیمرا بٹن متعارف کرایا جائے گا تاکہ وہ نئی تصویر کھینچ کر یا پہلے سے محفوظ تصویر کو کور فوٹو کے طور پر استعمال کرسکیں۔

ایسا کرنے پر جب لوگ اس بزنس پروفائل پر جائیں گے تو کور فوٹو دیکھ سکیں گے۔

یہ فیچر ابھی آزمائشی مراحل سے گزر رہا ہے تو ابھی کہنا مشکل ہے کہ یہ کب تک تمام بزنس صارفین کو دستیاب ہوگا۔

اس سے ہٹ کر نئے یوزر انٹرفیس کے ساتھ گروپ کال میں وائس ویو فارمز کی سہولت کا اضافہ بھی کیا جارہا ہے۔

یہ فیچر اس وقت اینڈرائیڈ بیٹا ایپ میں کچھ صارفین کو دستیاب ہے جس میں وائس اور ویڈیو کال کے آئیکون سرچ سمبل کے ساتھ ہیں۔

منبع: ڈان نیوز

The post واٹس ایپ کا جلد نئے فیچرز متعارف کرائے جانے کا امکان appeared first on شفقنا اردو نیوز.