بیروت(انٹرنیشنل ڈیسک) لبنان نے داعش کی جانب سے حملے کی منصوبہ بندی ناکام بناتے ہوئے ملک کو بڑی تباہی سے بچالیا۔ خبر رساں اداروں کے مطابق لبنانی وزیر خارجہ نے کہا کہ داعش کے دہشت گرد 3مذہبی مقامات کو نشانہ بنانا چاہتے تھے ۔ جنگجوؤں نے فائرنگ، راکٹ لانچرسے حملہ اور خود کش دھماکے کی منصوبہ بندی کی ہوئی تھی۔ وزیر خارجہ نے اپنے بیان میں مزید بتایا کہ منصوبے کے تحت تینوں مقامات پر ایک ساتھ حملہ ہونا تھا ، جس میں بڑی تباہی ہوسکتی تھی۔
