ڈھاکا(جسارت نیوز)پاکستان سپر لیگ کی ٹیم لاہور قلندرز میں شامل افغان اسپنر راشد خان نے پی ایس ایل چمپئن بننے پر خوشی کا اظہار کیا ہے۔راشد خان قومی ذمہ داری کے باعث پی ایس ایل چھوڑ کر بنگلا دیش کے خلاف سیریز کھیلنے چلے گئے تھے اور انہوں نے جاتے ہوئے لاہور قلندرز کے لیے نیک خواہشات کا اظہار بھی کیا تھا۔راشد خان کی جانب سے سوشل میڈیا پر جاری بیان میں لاہور قلندرز کو پی ایس ایل چمپئن بننے پر مبارکباد دی گئی۔افغان اسپنر نے لاہور قلندرز کے کپتان شاہین شاہ آفریدی، فاسٹ بولر حارث رف، محمد حفیظ، ڈیوڈ ویسے، ہیڈ کوچ عاقب جاوید اور سی ای او لاہور قلندرز ثمین رانا کو بھی مبارکباد پیش کی۔
