فرانس کے صدر ایمانوئل میکرون نے روسی صدر ولادیمیر پوتن اور یوکرائن کے صدر ولادیمیر زیلنسکی سے فون پر بات چیت کی ہے۔
فرانس کے دارالحکومت پیرس میں ایلیسی پیلس کی جانب سے دیے گئے بیان میں کہا کیا گیا کہ میکرون نے پوتن کے ساتھ فون پر بات چیت کی جو ڈیڑھ گھنٹے تک جاری رہی۔ روس کے یوکرین پر حملے شروع کرنے کے بعد سے دونوں رہنما تیسری بارٹیلی فونک رابطہ قائم کرچکے ہیں ۔
ایلیسی پیلس کی جانب سے جاری کردہ بیان میں کہا گیا ہے صدر میکرون نے زیلنسکی کے ساتھ بھی ٹیلی فون پر بات چیت کی ہے۔
روس کے وزیر خارجہ سرگئی لاوروف نے آج صبح کہا کہ روس یوکرین میں جنگ کے خاتمے کے لیے فرانس کی کوششوں کا "خیر مقدم” کرے گا۔
یاد رہے روسی فوجیوں نے 24 فروری کو یوکرین پر حملہ کیا تھا جو جاری ہے ۔
