توانائی اور قدرتی وسائل کے وزیر فاتح دونمیز نے کہا ہے کہ ہم اسرائیل سے خریدی جانے والی قدرتی گیس کی اندرون و بیرون ملک آسانی سے ترسیل کر سکتے ہیں۔
ایک نجی ٹیلی ویژن کی براہ راست نشریات میں حصہ لینے والے دونمیز نے کہا کہ وہ اگلے ماہ اسرائیل جانے کا ارادہ رکھتے ہیں، اور دونوں ممالک کے درمیان ممکنہ پائپ لائن منصوبے کی تکمیل فریقین کے باہمی مفادات سے تعلق رکھتی ہے۔
انہوں نے بتایا کہ "ہماری سرزمین پر پہلے سے ہی قومی ترسیل کا نظام موجود ہے۔ جس کے ذریعے اسرائیلی گیس با آسانی منتقل کی جا سکتی ہے۔ تاہم اگر مستقبل میں ٹرانسپورٹ کا زیادہ حجم ایجنڈے میں آتا ہے، تو اضافی پائپ لائنیں تعمیر کرنے کی ضرورت پڑ سکتی ہے۔
انہوں نے اس بات پر بھی زور دیا کہ روس یوکرین جنگ کی وجہ سے توانائی کی فراہمی میں کوئی خطرہ در پیش نہیں ۔
